閱讀文章

beefs 兄提供過既有關"植髮" 資料, 非常有參考價值!

[日期:2010-10-21] 來源:轉載  作者:beefs
 
以下是 beefs 兄提供過既有關"植髮" 資料, 非常有參考價值!

植髮係最有效概方法﹐ 但千萬唔好高估植髮概效果﹐同植髮之後唔使食藥概想法。

一個人有約超過十萬條頭髮﹐ 如果只係植 1000毛囊 (一個毛囊 約兩條頭髮)﹐其實只有約一個五蚊銀大小﹐可以植到概地方係好小﹐大部份人根本效果不大﹐就算係植髮位置都只是薄薄的一層﹐所以藥一定要繼續。
 
植髮要好大量先可以做到唔禿概效果﹐視乎你禿的程度﹐ 但由於一個人最多只可以取到 5到 6 千個毛囊 (多數也要分多次)﹐ 所以幾乎不可能做到正常髮量﹐ 除非你本身只係第一﹐二期。
 
植之前要先規劃清楚﹐因為植髮後概復完過程並不易過。

之所以咁多人去台灣植髮﹐因為台灣只係要香港 1/3 價錢﹐通常兩三萬就可以﹐而且選擇多好多。

================================================================
1)
傳統 'Stripe' 要割下一條頭皮﹐ 所以會有疤﹐依家大部份人都係做呢種。

2)
較新概 ‘FUE’ (包括 DHI) 逐個毛囊從頭皮取出﹐ 所以基本不會留下疤痕﹐ 但價錢屬於天文數字﹐如果大量可能要幾十萬。
有無疤痕係視乎用邊種技術﹐同台灣做香港做無關﹐ 視乎你覺得值唔值得為左條疤比多十幾二十萬。

"DHI" 其實即係‘FUE’ (Follicular Unit Extraction) 毛囊單位切割﹐ 只係佢自己改個名﹐ 令人覺得係佢發明概﹐外國係統一簡稱  ‘FUE'。 其實都唔算新﹐ 都有十幾年﹐ 不過由於價錢貴﹐一般比傳統植髮貴三倍﹐所以普及性始終唔高﹐多用於植眉﹐眼捷毛﹐頭部疤痕等。

如果考慮植髮, 比 D 意見你:

1) 每次最多可以植 2千到 3千毛囊(每個毛囊約兩條頭髮)﹐ 儘量植最多
2) 評估自己脫髮程度﹐植完呢個數量之後會晤會滿意。
3) 願唔願意付出價錢﹐ 台灣一般是兩到四萬 (十幾到二十幾港幣一株)﹐ 不要因為價錢而故意植少一點。
4) 髮線同轉位須要耗用最多毛囊。
5) 做完要有足夠假期才可見人。
6) 植完之後一定要繼續食藥﹐ 植髮並不會一勞永逸 ( 對大部份人)。


* 做完要有足夠假期才可見人 , 因為………..

傷口分兩部份﹐ 後腦取髮區個 ‘一刀’ 係重點﹐ 大部份不適都係呢個部份﹐ 康復期亦會好長﹐ 但由於有頭髮遮住﹐ 所以外觀上沒有影響。
另一個部份就係 ‘植入區’﹐有一二千個小傷口﹐術後兩三日就會無乜感覺﹐ 但係會 ‘結痂’﹐ 即係結焦﹐ 呢個時候係好難睇概。 ‘結痂’會慢慢甩下﹐ 快則 7 日﹐慢則 14日﹐ 個人覺得預 10 日會比較保險。

======================================================================
植髮 FAQ

問: 後面開果一刀, 其實我唔係好明, 係咪即是將"後尾枕" 部份頭皮切落黎? 所以要聯針?

答:  係﹐後尾枕切下一條頭皮﹐ 然後聯針﹐ 大部份術後需要康復的就係呢個傷口。

問: 植髮都算係一個手術, 最懷既情況會有什麼意外??  在台灣植髮安全嗎? (與香港比較)

答: 植髮當然係整形手術﹐做得唔好的話﹐ 條疤面積會較大。 ‘存活率’低 ﹐植入頭髮方向不配合原來頭髮等。

好難客觀比較香港同台灣植髮差別﹐ 但事實係台灣整形業規模比香港大得多﹐ 植髮業比香港早發展十幾年﹐ 香港只有兩間﹐ 而台灣有好多植髮診所和幾乎每間醫院都有做﹐ 所以競爭好大。如果結論話台灣技術不會比香港差或比香港好﹐ 相信唔會好多人反對。

到重點﹐ 點解要去台灣﹐ 如果做一個中高數量植髮﹐台灣 3 萬﹐ 香港要 10 萬﹐而植髮後基本上係無野需要跟進﹐ 就算有錢多﹐ 點解要比多 7 萬 呢!


閱讀:
錄入:站長

上一篇:一位脫髮患者的自述
下一篇:怎樣才算是專業植髮的醫師?
推介文章
聯絡方式
 
脫髮相關藥物
高濃度 男用生髮水
最強防脫髮洗頭水 Regenepure
Nizoral 最受歡迎防脫洗髮水
JASON 頭髮變濃密洗頭水
落建生髮水
神奇假髮 一用即變茂密 Toppik
 
頭髮用品小舖
> 進入店舖首頁 <
新版商城
限時特價
全面升級
反應熱烈 多買多平